ነሃሴ 12/2018 (ወልቂጤ)

የማዕከላዊ ኢትዮጵያ ክልል ውሃ፣ መስኖና ማዕድን ልማት ቢሮ ቀደም ሲል ከተጠሪ ተቋማትና ከቢሮው ምክትል የስራ ሃላፊዎች ጋር ያካሄደውን የግብ ስምምነት ፊርማ ተከትሎ የቢሮው ምክትልና የዘርፍ ሃላፊዎች ከስራቸው ከሚገኙ ዳይሬክቶሬቶች ጋር የ2019 በጀት ዓመት የስራ ግብ ስምምነት ፊርማ ስነስርአት አካሄዋል።

በስነ-ስርዓቱ በቢሮ ኅላፊ ማዕረግ የክልሉ ውሃ፣ መስኖና ማዕድን ልማት ቢሮ ምክትል ኃላፊና የውሃ ሀብት አስተዳደር ዘርፍ ኃላፊ ወ/ ሮ አለይካ ሽኩር ከውሃ ሀብት ጥናትና አስተዳደር ዳይሬክቶሬት ዳይሬክተር አቶ ከድር ታምሬ ፣

የቢሮው ምክትል ሃላፊና የመጠጥ ውሃ ሀብት ጥናትና ዲዛይን አስተዳደር ዘርፍ ኃላፊ አየለ ኬርጋ (ኢ/ር) ከመጠጥ ውሃ ጥናትና ዲዛይን ዳይሬክቶሬት ዳይሬክተር አቶ አበራ አቢዮ

እንዲሁም የቢሮው ምክትልና የመጠጥ ውሃ አቅርቦትና ሳኒቴሽን ዘርፍ ኃላፊ አቶ ሙላቱ ጡሞሮ ከመጠጥ ውሃ ግንባታ ቁጥጥርና ክትትል ዳይሬክቶሬት ዳይሬክተር አቶ ገረመው አቡና እና ከመጠጥ ውሃ ተቋማት አስተዳደር ዳይሬክቶት ዳይሬክተር አቶ ኡስማን በድሩ ጋር የ2019 በጀት ዓመት የስራ ግብ ስምምነት ተፈራርመዋል።

በእለቱ የግብ ስምምነት ሰነድ ከመፈራረም ባሻገር በየዘርፉ ከሚገኙ ሰራተኞች ጋር በግብ ስምምነቱ ሰነድ አተገባበር ላይ በየደረጃው ውይይት በማድረግ የጋራ መግባባት ተደርሷል።

ከየዘርፉ የሚገኙ ሰራተኞች ለስምምነቱ ውጤታማነት በቁርጠኝነት የሚንቀሳቀሱ መሆኑን ተናግረዋል።

በመጨረሻም በየዘርፉ የሚገኙ ዳይሬክተሮች በስሮቻቸው ከሚገኙ የቡድን መሪዎችና ፈፃሚዎች ጋር የ2019 በጀት ዓመት እቅድ ስምምነት ፊርማ ተፈራርመዋል ።

See less

ያረጋገጡ ተጨባጭ ስኬቶች ናቸው!"…

See more

ታህሳስ 09/2018 (ወልቂጤ)

በውሀና ኢነርጂ ሚኒስቴር እየተተገበረ የሚገኘው የአፍሪካ ቀንድ ዘላቂ የከርሰ ምድር ውሃ ፕሮጀክት አካል የሆነው በላይኛው ብላቴ ተፋሰስ አካባቢ ለሚያካሄደው የከርሰ ምድር ውሃ ሀብት አለኝታ ልየታ ጥናት ጉድጓድ ቁፋሮ የሚውል በክልሉ በሚገኙ አራት ዞኖች ውስጥ ዘጠኝ ቦታዎች / site ለአሸናፊ ተቋራጮችም ማስረከብ መቻሉን በቢሮ ኅላፊ ማዕረግ የክልሉ ውሀ መስኖና ማዕድን ልማት ቢሮ ምክትልና የውሀ ሀብት አስተዳደር ዘርፍ ሃላፊ ወ/ሮ አለይካ ሽኩር ገልፀዋል ።

በዛሬው ዕለት በከምባታ ዞን በአንገጫ እና አዴሎ ወረዳዎች ሀለት ቦታዎችን/Site ሀይድሮ ኢንጂነሪንግ ድርጅት እንዲረከብ መደረጉን ተናግረዋል ።

የቁፋሮው አላማው ከአገልግሎቱ ባሻገር የከርሰ ምድር ውሃ አለኝታ /potential በአቅም በጥረት ማወቅና ለቀጣይ ጥናት በተደረጉ አካባቢዎች ላይ የውሀ ጉድጓድ ቁፋሮ ቦታዎችን ዲዛይን ለማድረግ መሆኑን ወ/ሮ አለይካ ገልፀዋል ።

በቦታ ርክክቡ ላይ የተገኙት የከምባታ ዞን ውሀ ማዕድንና ኢነርጂ መምሪያ ምክትል ሃላፊ አቶ አብነት ወትሮ በበኩላቸው የቁፋሮ ስራው ተጀምሮ እስኪጠናቀቅ እንዲሁም የውሀ ግኝቱን ተከትሎ ለሚከናወኑ ተግባራት መምሪያውም ሆነ የሚመለከታቸው የክልል እና ዝአካላት የሚጠበቅባቸውን እንደሚወጡ ተናግረዋል ።

በርክክቡ ወቅት ከፎደራል ሲኒየር ሀይድሮጂኦሎሲስት አቶ ገለቲ በላይ፣ የክልል ፣ የዞንና የየወረዳዎቹ የሚመለከታቸው አካላት ተገኝተዋል ።